1. ინტერაქტიული სწავლება და რეფლექსური უნარები ახალი მასალის დამუშავება მიმდინარეობს აქტიური კითხვა-პასუხის რეჟიმში. გაკვეთილის 95% სრულად ინგლისურ ენაზე მიმდინარეობს. ეს გარემო გაიძულებთ, აქტიურად ჩაერთოთ სასაუბრო პროცესში, რაც ენის ფლობას რეფლექსურ უნარამდე დაჰყავს - თქვენ წყვეტთ ქართულად ფიქრს და იწყებთ პირდაპირ ინგლისურად აზროვნებას.
2. ბუნებრივი მეტყველება და შეცდომების მყისიერი კორექტირება სასწავლო პროცესში განსაკუთრებული ყურადღება ეთმობა შეცდომების სწრაფ კორექტირებასა და სწორი ვერსიების პრაქტიკულ გადამუშავებას (დრილინგს). ჩვენ ვასწავლით ენობრივ კონსტრუქციებსა და ფრაზულ ბლოკებს (ჩანქებს), რაც გეხმარებათ, ისაუბროთ მშობლიური ენის მქონე ადამიანებივით, „ნეითივებივით" და იდეალურად გაიგოთ მათი მეტყველება. მიუხედავად იმისა, რომ გაკვეთილის უდიდესი ნაწილი ზეპირ კომუნიკაციას ეთმობა, მეთოდი სრულფასოვნად ფარავს გრამატიკის კურსს. გარდა ამისა, საჭიროებისამებრ, პროგრამა ითვალისწინებს წერითი უნარ-ჩვევების განვითარებასაც - თხზულებების, ოფიციალური თუ პირადი წერილებისა და ესეების წერას.
3. კურსის სტრუქტურა და ხანგრძლივობა ავალონის მეთოდი მოიცავს 9 წიგნს, რომლებიც სრულად ფარავს საერთაშორისო დონეებს A1-დან C1-ის ჩათვლით. თითოეული წიგნის (დონის) საფუძვლიანად გავლისა და ათვისებისთვის, საშუალოდ, 3-4 თვე არის საჭირო. სწავლის დაწყებამდე თქვენ გაივლით წინასწარ გასაუბრებას ჩვენთან. ზეპირი გასაუბრების საფუძველზე, ზუსტად განვსაზღვრავთ თქვენი ინგლისურის მიმდინარე დონეს და შემოგთავაზებთ თქვენთვის იდეალურად შესაფერის ჯგუფს.
1. სხვადასხვა აქცენტის აღქმის უნარი როდესაც ინგლისურ ენას სწავლობთ, მიზანი მხოლოდ ერთი კონკრეტული მასწავლებლის მეტყველების გაგება არ არის. თქვენ უნდა შეგეძლოთ ნებისმიერი ადამიანის გაგება რეალურ ცხოვრებაში. პედაგოგთა როტაცია გეხმარებათ, მოისმინოთ და აღიქვათ ბრიტანული, ამერიკული თუ ნეიტრალური აქცენტები, რაც თქვენს სმენით უნარებს რეალური, საერთაშორისო კომუნიკაციისთვის ამზადებს.
2. განსხვავებული ახსნის სტილი და უკეთესი გაგება თითოეულ მასწავლებელს ინდივიდუალური მიდგომა აქვს: ზოგი მეტ პრაქტიკულ მაგალითს იყენებს, ზოგი კი გრამატიკულ წესებს უფრო მარტივი სტრუქტურებით ხსნის. როდესაც რამდენიმე პედაგოგს უსმენთ, ერთი და იგივე თემა სხვადასხვა პერსპექტივიდან გესმით, ეს კი მასალის ბევრად ღრმა და მდგრად ათვისებას უზრუნველყოფს.
3. სისტემურობა და ცოდნის თანმიმდევრული ტრანსფერი ავალონში ყველა მასწავლებელი ერთიანი, მკაცრად განსაზღვრული სტანდარტითა და მეთოდოლოგიით მუშაობს. ეს ნიშნავს, რომ სასწავლო პროცესის უწყვეტობა არ ირღვევა, თქვენ კი იღებთ განათლებას სხვადასხვა გამოცდილების მქონე პროფესიონალებისგან.
1. სხვების გამოცდილებიდან სწავლა ჯგუფში მუშაობისას თქვენ თანაბრად ავარჯიშებთ როგორც სასაუბრო, ისე მოსმენის უნარებს. პედაგოგისგან მიღებული ინდივიდუალური უკუკავშირის გარდა, თქვენ უსმენთ თანაჯგუფელებს და სწავლობთ მათ მიერ დაშვებულ შეცდომებზეც. ეს ყოველივე ენის ათვისების პროცესს ბევრად სწრაფსა და დინამიკურს ხდის.
2. ენობრივი ბარიერისა და კომპლექსების დაძლევა ჯგუფური გარემო იდეალურია სასაუბრო კომპლექსების დასაძლევად. როდესაც დიალოგს აწარმოებთ თანაჯგუფელებთან, რომლებიც ზუსტად თქვენსავე დონეზე ფლობენ ინგლისურს, მორიდებულობა ქრება და უცხო ენაზე საუბარი ბუნებრივ ჩვევად იქცევა.
3. მრავალფეროვანი და ინტერაქტიული აქტივობები ჯგუფური ფორმატი უამრავი სახალისო და ეფექტური აქტივობის ჩატარების შესაძლებლობას იძლევა. მათ შორისაა წყვილებში მუშაობა და როლური თამაშები, რომლებიც რეალურ ცხოვრებისეულ სიტუაციებს ასახავს. მსგავსი მიდგომა მკვეთრად ზრდის მოტივაციას და სრულად გამორიცხავს სასწავლო პროცესის ერთფეროვნებას.
1. სტრუქტურა, რომელიც რეალურ შედეგს იძლევა ავალონის ცხრავე წიგნში მოცემულია გრამატიკული თემები, რომლებიც ზუსტად შეესაბამება თქვენი მიმდინარე დონის საჭიროებებს. ყოველი გაკვეთილის გარკვეული ნაწილი ეთმობა როგორც გრამატიკული საკითხის ვერბალურ დამუშავებას კითხვა-პასუხით, ასევე შესაბამის წერით სავარჯიშოებზე მუშაობას, რათა სასაუბრო პრაქტიკით ათვისებული მასალა თეორიულადაც კიდევ უფრო გაამყაროთ.
2. პრაქტიკული და თვალსაჩინო მაგალითები ჩვენი მეთოდისთვის დამახასიათებელია აქტიური მუშაობა დაფასთან (აუცილებელია, 2 ფერის მარკერი), ვიზუალური მასალების გამოყენება და წესების ახსნა ყოველდღიური ცხოვრებისეული მაგალითების საფუძველზე. ამ მიდგომით გრამატიკა კარგავს აბსტრაქტულობას და ხდება თქვენი ყოველდღიური მეტყველების ბუნებრივი ნაწილი.
3. ტესტირება და პროგრესის მუდმივი შეფასება წიგნის თითოეული თავის დასრულების შემდეგ მიმდინარეობს მასალის ინტენსიური გამეორება. სტუდენტები აბარებენ იუნიტის შემაჯამებელ ტესტს, რომელიც ნათლად აჩვენებს, თუ რამდენად კარგად არის ათვისებული განვლილი მასალა და ზუსტად ასახავს თქვენს აკადემიურ პროგრესს. ავალონში გრამატიკის სწავლება ცოცხალი და დინამიკური პროცესია.
● საბაზისო უნარები (A2-B1 დონე) ნულიდან დაწყების შემთხვევაში, მუდმივი ძალისხმევის პირობებში, ამ დონის მიღწევას 6 თვიდან 1 წლამდე სჭირდება.
● პროფესიული უნარები (B2-C1 დონე) თქვენი მოტივაციისა და ინტენსივობის მიხედვით, ამ ეტაპის დაძლევას, საშუალოდ, 1 წლიდან 3 წლამდე სჭირდება.
● მშობლიური ენის მსგავსი უნარები (C2 დონე) ამ დონის მიღწევას 5 წელზე მეტი სჭირდება, თუმცა გახსოვდეთ, რომ მიზნების უმრავლესობისთვის ამ ტიპის სრულყოფილება სულაც არ არის აუცილებელი.
1. საერთაშორისო სტანდარტის ლიცენზია IQ Centre Avalon არის Avalon School London-ის ერთადერთი ლიცენზირებული წარმომადგენელი საქართველოში. ეს ნიშნავს, რომ ჩვენთან სწავლების ხარისხი და სტანდარტები ზუსტად ისეთივეა, რასაც სტუდენტებს დიდ ბრიტანეთში სთავაზობენ.
2. ორიენტაცია სასაუბრო უნარ-ჩვევებზე ავალონის წიგნები მაქსიმალურად არის ორიენტირებული კომუნიკაციაზე. თითოეული გაკვეთილი სტრუქტურირებულია ისე, რომ სტუდენტმა ისაუბროს რაც შეიძლება მეტი, ხოლო ახალი ლექსიკა და გრამატიკული კონსტრუქციები რეალურ დიალოგებში გამოიყენოს.
3. გრამატიკის ინტეგრირებული სისტემა ავალონის ძირითად სისტემასთან ერთად, ჩვენ შევქმენით სპეციალური გრამატიკული კრებულების სერია, რომელიც ზუსტად მიჰყვება წიგნებში მოცემულ სტრუქტურას. ეს გეხმარებათ, გაკვეთილზე ათვისებული მასალა გრამატიკულადაც უკეთ გააანალიზოთ და გაიმყაროთ. ამასთან, არ დაგავიწყდეთ, რომ მასალის დამუშავებას სრულად გაკვეთილზე ვასწრებთ და სახლში დამატებითი დავალებების შესრულება არ მოგიწევთ.
4. დამატებითი რესურსები სწავლის პროცესის უფრო მრავალფეროვანი და საინტერესო რომ გავხადოთ, ხშირად განვიხილავთ თემატურ ვიდეოებს, სტატიებსა და პოდკასტებს. ასევე Cambridge-ის (FCE, PET, KET) საგამოცდო ტესტებს, British Council ან BBC-ის მოსასმენ სავარჯიშოებსა და სხვა აქტუალურ მასალებს. ჩვენი სტუდენტებისთვის ფუნქციონირებს წიგნის კლუბი. ეს არის სივრცე, სადაც ისინი ინგლისურენოვანი ლიტერატურის საფუძველზე მსჯელობენ, მართავენ დისკუსიებს და კიდევ უფრო აქტიურად იმდიდრებენ სასაუბრო ლექსიკას.
1. გვყავს როგორც ბავშვების, ისე ზრდასრულთა ჯგუფები ჩვენთან სწავლობენ:
● 8–12 წლის ბავშვები;
● თინეიჯერები;
● სტუდენტები და ზრდასრულები;
● უფროსი თაობის წარმომადგენლები.
ენის სწავლა არასდროს არის გვიანი, ავალონის პირდაპირი მეთოდი კი იდეალურად ერგება ნებისმიერ ასაკს.
2. აპრობირებული პრაქტიკა: ასაკობრივად შერეული ჯგუფები ეს მიდგომა ბევრისთვის ახალია, თუმცა უაღრესად ეფექტური. გარდაასაკობრივად დაყოფილი ჯგუფებისა, ასევე გვყავს ასაკობრივად მრავალფეროვანი ჯგუფებიც, რაც ხელს უწყობს:
● რეალური საკომუნიკაციო გარემოს სიმულაციას;
● მოსმენის უნარების გაუმჯობესებას სხვადასხვა სტილისა და აქცენტის აღქმით;
● თვითდაჯერებულობის მატებასა და სოციალური უნარების განვითარებას;
● ერთმანეთისგან სწავლის პროცესს, სადაც უმცროსები იძენენ მეტ თავდაჯერებულობას, უფროსები კი ახალ ენთუზიაზმს.
ეს ფორმატი განსაკუთრებით ეფექტურია სასაუბრო ინგლისურის გასაუმჯობესებლად. ავალონში მნიშვნელობა არ აქვს თქვენს ასაკს. თუ გსურთ ენის შესწავლის ნულიდან დაწყება ან არსებული ცოდნის გაღრმავება, ჩვენი კარი ყოველთვის ღიაა თქვენთვის. მთავარია მზაობა პრაქტიკისთვის.
2. ორგანიზებული და სტრუქტურირებული პროგრამა ავალონის მეთოდი აგებულია მკაფიოდ განსაზღვრულ პროგრამაზე, რომელიც ორიენტირებულია ენის სასურველი დონის სწრაფად მიღწევაზე. ამ პროცესში თქვენ არ დაგჭირდებათ დამატებითი სახელმძღვანელოების მოძიება - ჩვენი სკოლა სრულად უზრუნველგყოფთ ყველა საჭირო სასწავლო მასალით. გრამატიკის ათვისება კი ინტეგრირებულია სასაუბრო და პრაქტიკულ სავარჯიშოებში. ავალონის მეთოდი მოიცავს 9 წიგნს, რომლებიც სრულად ფარავს საერთაშორისო დონეებს A1-დან C1-ის ჩათვლით. თითოეული წიგნის (დონის) საფუძვლიანად გავლისა და ათვისებისთვის, საშუალოდ, 3 თვე არის საჭირო.
3. არანაირი საშინაო დავალებები ჩვენი სასწავლო პროცესი ისეა სტრუქტურირებული, რომ მასალის მაქსიმალურად ათვისება უშუალოდ გაკვეთილზე ხდება. ეს ფორმატი განსაკუთრებით მოსახერხებელია მათთვის, ვისაც გადატვირთული გრაფიკი აქვს და საშინაო დავალებებისთვის დროის გამონახვა უჭირს.
4. თავისუფალი და კომფორტული გარემო ავალონში გაკვეთილები ინტერაქტიული და სახალისოა. მოსწავლეები ადვილად ეცნობიან და უმეგობრდებიან ერთმანეთს, რაც ენის ბარიერის დაძლევასა და ინგლისურის სრულიად ახლებურად - თავისუფალ და მეგობრულ გარემოში შესწავლას უწყობს ხელს.
თანამედროვე მეთოდოლოგია, პრაქტიკაზე ორიენტირებული სწავლება და ინდივიდუალური მიდგომა ავალონს აქცევს ადგილად, სადაც ინგლისურის სწავლა შედეგიან და სასიამოვნო გამოცდილებად იქცევა.
© 2026. Avalon school